Nynorske litteraturdagar 30. oktober - 1. november
I kveld opnar Nynorske litteraturdagar i Aurland. Det vert offisiell opning ved stortingsrepresentant Ingrid Heggø, og Oddvar Torsheim, Birger Meland, Tove Bakke og Olav Stedje byr på underhaldning på Fretheim Hotel.
Dette er ei kulturhelg for nynorsk språk og litteratur med levande litteratur, debattar, opplesingar, konsertar, bokutstillingar m.m. Årets program er rikt og variert, sjå programmet for arrangementet.
I Aurland er vi omgjeve av både Flåmsbana og Nærøyfjorden, og mange av dei unike attraksjonane vil vera arena for arrangementet og lyfta dei litterære opplevingane på ein særeigen måte. Vel møtt til ei spennande og kulturrik helg!
